| Главная » Файлы » Әр түрлі тақырыптар » ЕҚЫҰ |
ЕЛІМІЗ ХАЛЫҚАРАЛЫҚ ҚАТЫНАСТЫҢ ЖАҢА САТЫСЫНА КӨТЕРІЛДІ
| 15.08.2011, 18:40 | |
| Еуропалық қоғамдастық, көптеген Еуропа
елдері мен ТМД елдерінің саясаткерлері, дипломаттары, журналистер,
сарапшылар Қазақстанның ЕҚЫҰ-дағы төрағалығына өте жоғары баға беріп
жатыр. Ол – әділ. Қазақстан іске белсенділікпен кірісті. Үстіміздегі
жылдың қаңтар айының 14-і күні Венадағы тұрақты кеңесте Президент
Нұрсұлтан Назарбаевтың бейне үндеуімен басталған төрағалық апта, ай
өткен сайын ширақталып, ұйым өзінің белсенділігін көрсете бастады. Іс басындағы төраға, Қазақстанның Сыртқы істер министрі Қанат Саудабаев қысқа мерзімде көптеген елдерде, әсіресе, қайшылықты, уақытша тоқтатылып қойып, бірақ түйіні шешілмеген қақтығыстар бар өңірлер мен мемлекеттерді түгел аралап шықты. Және де ол аймақтардағы мемлекет, үкімет басшыларымен, әртүрлі ықпалды партиялар, қоғамдық қозғалыстар өкілдері арасында ашық кездесулер өткізіп, қордаланып қалған мәселелерді шешу жолдарын бірлесіп, іздестіріп, әртүрлі көзқарастарды талқылап, қарастырды. ЕҚЫҰ аясында Қазақстан бастамашылдығымен әр өңірде қазіргі жаһандық мәселелер және оның мемлекеттерге, қоғамға әсері туралы тақырыптық, халықаралық конференциялар, «дөңгелек үстелдер» ұйымдастырылды. Ең үлкен қозғалыс – он бір жылдан бері өткізілмеген ЕҚЫҰ мемлекет басшыларының саммиті осы XXI ғасырда тұңғыш рет Астана қаласында өтетін болды. Қорыта айтқанда, Қазақстанның төрағалығы, БҰҰ-дан кейінгі ЕҚЫҰ сияқты ең беделді халықаралық ұйымның жұмысын жандандырып, оған жаңа дем берді. Халықаралық ұйымның қажеттігін тұрақтандырды. Қазақстан өзінің төрағалық міндетін жалтақтап емес, жарқыратып, білгірлікпен, білімділікпен, орынды ұтқырлықпен, шымыр қайраткерлікпен атқарып келеді. Ендігі мақсат – ЕҚЫҰ-ға мүше мемлекет, үкімет басшылары саммитінің аман-есен, нәтижелі өтуі. – Өзіңіз саммиттен қандай нәтижелер күтесіз? Еліміздің алға қойған стратегиялық міндеттері ойдағыдай орындала ма? – Біріншіден, саммиттің өткізілуінің өзі – басты нәтиже. Өйткені бір кезде мемлекет басшылары ортақ мүддеге келе алмай, тіпті «осындай ұйым қажет пе?» деген пікірлер таласқа түсіп қалған-ды. Қазір ЕҚЫҰ-ның қажет екендігіне ешкімнің дауы жоқ. Екіншіден, әсіресе, жалпы Еуразия кеңістігіндегі қауіпсіздік, оның ішінде «Орталық Азия өңіріндегі қауіпсіздікке айрықша мән беріледі» деп ойлаймын. Ауғанстан мәселесіне де жаңа көзқарас қалыптасатын мезгіл жетті. Бұл жөнінде Қазақстанның ұстанымы едәуір уақыттан бері айтылып жүр. Ауған жағдайын тек қана әскери, соғыс жолымен шешу мүмкін емес екендігіне әлемнің көзі жеткен болар. Лаңкестік, есірткіге қарсы күш біріктіру қажеттігі де осы басқосудың басты проблемаларының бірі болса керек. Үшіншіден, баса айтпағым – саммиттің, жалпы төрағалықтың Қазақстанның халықаралық беделінің өсіп, нығая түсуіне тигізер зор ықпалы. Бұл төрағалық та, соның аясында өткізілмек мемлекет басшыларының саммиті де бұрын-соңды қазақ елінің тарихында болмаған, алдағы өмірімізде енді қашан болары белгісіз орасан үлкен тарихи оқиғалар. Бұл – дүниежүзілік қоғамдастықта біздің мемлекетімізді де, рухани келбетімізді де өсіретін жағдай. Қазақтың өрлеу дәуірінің айшықты көрінісі. – Саммиттің өтуі еліміздің одан әрі дамуына мультипликативті түрде ықпал етеді деп ойлайсыз ба? – Сөз жоқ. Жоғарыда бұл сұраққа да жауап бере бастап едім. Сіз қараңызшы. Бұрын ЕҚЫҰ-ны негізінен тікелей қызмет бабымен араласып жүретін азғана топ білетін. Әрине, олардың қатарында халықаралық қатынастар мамандығына әзірленетін студенттер, оқытушылар да бар. Қазір Қазақстанның төрағалығының арқасында халықтың көпшілігі хабардар. Тек қана сол саммитке келетін қонақтарды қабылдайтын қонақүйлерді алыңызшы!? Бізге барлығы 5 мыңнан астам адам келеді. Соларға мыңдаған мамандар, жұмысшылар қызмет көрсетеді. Олар арнайы оқудан өтті, жұмыс орындарын жаңа технология өнімдерімен қайтадан жабдықтап жатыр. Астана қаласына жаңа жедел жәрдем, өрт сөндіруші құрал-жабдықтар тағы сол сияқты қажеттіліктер жасақталып жатыр. Осының бәрі ертең саммиттен соң елдің игілігіне жарау үшін қалмай ма? Төрағалық та, саммит те еліміздің өркендеуіне мол ықпал ететініне сенемін. – Әңгімеңізге рахмет! Бейбітгүл Исаева | |
| Просмотров: 1087 | Загрузок: 0 | Комментарии: 1 | Рейтинг: 0.0/0 | |
| Всего комментариев: 0 | |
Block title
Күнтізбе
| « Апрель 2012 » | ||||||
| Пн | Вт | Ср | Чт | Пт | Сб | Вс |
| 1 | ||||||
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | ||||||
Статистика
Онлайндар: 1
Қонақтар: 1
Қолданушылар: 0